Labintatlong istorya... sa sakop ng 15 taon (1959-1973). Pinili nang may pagbibigay ng higit na halaga sa isang seleksiyon na mas mabisang makapagbibigay-kulay at buhay sa kapahayagan ng isang tema: ang pakikipagbuno ng awtor sa isang demonyong kung tawagi''y LIteratura sa isang haba ng panahong sumasakop mula sa pagbibinhi, pag-uugat, at pagsusupling hanggang sa makapamulaklak ng yabang at makapamunga ng sungay. Ang mga araw ng pagsisimula sa pangangapa. Ang mga araw ng pagsisikap na matuto at mahasa. Ang mga pagbabago habang nahihinog mula sa pamamaraan at dampot ng mga salita hanggang sa hugot ng paksain at kapangahasang manggiba ng balag ng tradisyon....